ໃນຍຸກແຫ່ງໂລກາພິວັດ ຍຸກແຫ່ງການຂະຫຍາຍຕົວຂອງມວນມະນຸດ ເຮັດໃຫ້ປະຊາກອນໂລກເພີ່ມຂຶ້ນຢ່າງໄວວາ ສັງຄົມມີຄວາມຕ້ອງການທັງສິ່ງວັດຖຸ ແລະ ອາຫານຫຼາຍຂຶ້ນ ເປັນຕົ້ນເຫດເຮັດໃຫ້ມີການລົງທຶນໃສ່ໃນຫຼາຍຂະແໜງການຈາກພາກລັດ, ເອກະຊົນພາຍໃນ ແລະ ຕ່າງປະເທດ ໂດຍສະເພາະແມ່ນຂະແໜງການກະສິກໍາ ທີ່ມີພົ້ນເດັ່ນໃນປະເທດເຮົາ ແລະ ມີຫຼາຍຢູ່ໃນເຂດພາກເໜືອ ເຊັ່ນ: ສວນກ້ວຍ, ສວນແຕ່ງໂມ, ສວນອ້ອຍ, ສວນຢາງພາລາ ຕະຫຼອດຮອດການລ້ຽງສັດນໍ້າ-ສັດບົກ ເປັນຕົ້ນແມ່ນປາ, ໄກ່ພັນ, ໝູພັນ ແລະ ອື່ນໆ ເພື່ອຕອບສະໜອງຕາມຄວາມຮຽກຮ້ອງຕ້ອງການ ທັງໂຮງງານແປຮູບ ແລະ ສໍາເລັດຮູບ ເຮັດໃຫ້ມີການນໍາໃຊ້ວິທະສາດເຂົ້າມາຊ່ວຍ ໃນການກະຕຸ້ນເມັດໜ່ວຍຕົ້ນດ້ວຍປຸ້ຍເຄມີ ຫຼື ຢາຂ້າແມງໄມ້ຕ່າງໆ ເຮັດໃຫ້ມີສານເຄມີເຈືອປົນໃນອາຫານເປັນຈໍານວນຫຼວງຫຼາຍ ແລະ ຕົກຄ້າງຢູ່ເທິງໜ້າດິນ, ພື້ນດີນ, ຫ້ວຍນໍ້າລໍາເຊ ແລະ ອາກາດ ເຮັດໃຫ້ມີຜົນກະທົບຕໍ່ສະພາບແວດລ້ວມທັງໃນປະຈຸບັນ ແລະ ຍາວນານ ປະຊາຊົນບັນດາເຜົ່າທີ່ດໍາລົງຊີວິດຢູ່ຫຼາຍເຂດໄດ້ຮັບຜົນກະທົບຢາງໜັກ ບໍ່ສາມາດຊົມໃຊ້ນໍ້າຈາກຫ້ວຍນໍ້າລໍາເຊໄດ້ຄືແຕ່ເກົ່າ.

ເພື່ອຮັບປະກັນຕອບສະໜອງນໍ້າດື່ມສະອາດ ໃຫ້ທົ່ວທຸກຊັ້ນຄົນໃນສັງຄົມທັງພາຍໃນ ແລະ ປະເທດໃກ້ຄ່ຽງ ພວກເຮົາໄດ້ຊອກຫາແຫຼ່ງນໍ້າເພື່ອຜະລິດນໍ້າດື່ມມາຫຼາຍປີ ທັງໃນພື້ນດີນ ແລະ ທໍາມະຊາດຢູ່ຫຼາຍເຂດ. ໃນທີ່ສຸດພວກເຮົາໄດ້ພົບກັບແຫຼ່ງນໍ້າຈາກທໍາມະຊາດຫຼາຍສາຍ ທີ່ໄຫຼມາປ່ອງໃສ່ກັນຢູ່ຈຸດດຽວ ເຂດດັ່ງກ່າວເອີ້ນວ່າ “ເຂດພູກີວລົມ, ປ່າສະຫງວນແຫ່ງຊາດນໍ້າຫ້າ” ນໍ້າຈໍານວນຫ້າສາຍໄດ້ຖືກເກັບຕົວຢ່າງຈາກຜູ້ຊ່ຽວຊານ ນໍາເອົາໄປວິເຄາະວິໄຈທາງດ້ານວິທະຍາສາດ ຢູ່ທັງໃນ ສປປ ລາວ, ສ ປ ຈີນ ແລະ ລາຊາອະນາຈັກໄທ ເຊິ່ງມີຜົນການວິເຄາະວິໄຈອອກມາເປັນເອກະພາບ ນໍ້າຫ້ວຍທັງຫ້າສາຍທີ່ໄຫຼອອກຈາກພູສູງ ເຂດປ່າສະຫງວນແຫ່ງຊາດນໍ້າຫ້າ ພົບວ່າ: ປະສະຈາກທາດໂລຫະໜັກເຈືອປົນ, ເຕັມໄປດ້ວຍແຫ່ທາດນາໆຊະນິດ ແລະ ໂພສະນາການທີ່ມີຄວາມສໍາຄັນຕໍ່ສິ່ງທີ່ມີຊີວິດ ເໝາະສໍາລັບການ ຜະລິດນໍ້າດື່ມບໍລິສຸດ ແລະ ນໍ້າດື່ມແຮ່ທາດຈາກທໍາມະຊາດ. ນັກຊ່ຽວຊານການດື່ມຊາຈາກ ສປ ຈີນ ຍັງໃຫ້ທັດສະນະວ່າ “ເມື່ອນໍານໍ້ານັ້ນມາຕົ້ມແລ້ວເອົາໄປປຸງແຕ່ງນໍ້າຊາ ຈະເຮັດໃຫ້ມີລົດຊາດທີ່ດີເລີດ”.