ນໍ້າດື່ມ ນໍ້າຫ້າ

ແມ່ນໄດ້ມາຈາກແຫຼ່ງບໍ່ນໍ້າຫ້ວຍຜາຫີນທໍາມະຊາດ ທີ່ໄຫຼອອກມາຈາກເຂດພູສູງໃນປ່າດົງດີບ (ເຂດພູກິວລົມ), ປ່າສະຫງວນແຫ່ງຊາດນໍ້າຫ້າ ລະດັບຄວາມສູງຈາກໜ້ານໍ້າທະເລ 1,680 ແມັດ. ເປັນແຫຼ່ງນໍ້າທີ່ມີຄຸນນະພາບ ປະກອບດ້ວຍແຮ່ທາດທີເປັນປະໂຫຍດຕໍ່ສິ່ງທີ່ມີຊິວິດ ແລະ ມີຄຸນຄ່າທາງດ້ານໂພສະນາການ. ເນື່ອງຈາກນໍ້າດັ່ງກ່າວ ໄດ້ຜ່ານຊື່ມຈາກຮູຕະໜ່າງທີ່ແຂງແກ່ນແໜ້ນໜາຂອງຮາກໄມ້ ຂຶ້ນສູ່ພື້ນພີວໂລກ ຈິ່ງປຽບເໝືອນນໍ້ານັ້ນໄດ້ຜ່ານການກັ່ນຕອງມາໂດຍອັດຕະໂນມັດ ເຮັດໃຫ້ສາຍນໍ້າໃສສະອາດຕະຫຼອດປີ.

ຄວາມໃສສະອາດບໍລິສຸດຂອງນໍ້າດື່ມນໍ້າຫ້າ ແມ່ນເຕັມໄປດ້ວຍທຸກຂັ້ນຕອນແຫ່ງຄວາມໃສ່ໃຈ ດ້ວຍຂະບວນການຜະລິດທີ່ທັນສະໄໝ ແລະ ມາດຕະຖານສູງ. ທຸກຂັ້ນຕອນແມ່ນໄດ້ຮັບການກວດສອບຈາກຜູ້ສໍານານງານຢ່າງສະໝໍາສະເໝີ, ມີການກວດກາຄ່າຕ່າງໆກ່ອນ ແລະ ຫຼັງການຜະລິດນໍ້າດື່ມ ຈິ່ງເຮັດໃຫ້ຂະບວນການຜະລິດມີປະສິດທິພາບ ແລະ ມີຄວາມປອດໄພສູງ. ການກວດກາຄຸນນະພາບນໍ້າດື່ມ ທຸກໆ 6 ເດືອນ ແລະ ຂຶ້ນທະບຽນ ກອຢ/ຜນ ທຸກໆ 2 ປີ ແມ່ນໄດ້ຮັບຮອງຈາກກົມອາຫານ ແລະ ຢາ, ກະຊວງສາທາລະນະສຸກ.

ເພື່ອຮັບປະກັນມາດຕະຖານ ແລະ ຄຸນະພາບຂອງນໍ້າດື່ມນໍ້າຫ້າ ພວກເຮົາໄດ້ໃຊ້ລະບົບກັ່ນຕອງ ຕາມຂັ້ນຕອນການຜະລິດນໍ້າດື່ມບໍລິສຸດສາກົນ ເຊິ່ງປະກອບດ້ວຍເຄື່ອງກັ່ນຕອງ Carbon-Sand, Resin, PP Cotton ເຊິ່ງເປັນເທັກໂນໂລຊີນາໂນທີທັນສະໄໝ ໄດ້ຮັບມາດຕະຖານ ISO-9002. ສ່ວນເຄື່ອງກັ່ນຕອງ Reverse Osmosis (RO) ຂອງໂຮງງານນໍ້າດື່ມນໍ້າຫ້າ ແມ່ນເທັກໂນໂລຊີນໍາເຂົ້າຈາກສະຫະລັດອາເມລິກາ ດັ່ງນັ້ນຈິ່ງເຮັດໃຫ້ຄຸນະພາບຂອງນໍ້າໄດ້ລະດັບມາດຕະຖານສາກົນ.

ປະກອບມີສອງລະບົບ ຄື: ລະບົບໂອໂຊນ (Ozone) ເຊິ່ງມີອິດທິພົນໃນການຂ້າເຊື້ອທີ່ຮຸນແຮງ, ຂ້າເຊື້ອໂລກໄດ້ຢ່າງວ່ອງໄວ ໂດຍສະເພາະເຊື້ອຈຸລິນຊີ, ທໍາລາຍກິ່ນເໝັ່ນ,​ ສານເຄມີ, ແກ໊ສພິດ, ບໍ່ປະສານຕົກຄ້າງ ເພາະເມື່ອທໍາປະຕິກິລິຍາກັບມົນລະພິດສໍາເລັດທຸກຄັ້ງ ຈະໄດ້ອັອກຊີເຈັນ (O2) ທີ່ເປັນແກ໊ສບໍລິສຸດ ແລະ ອີກລະບົບໜຶ່ງແມ່ນລະບົບຣັງສີອັລຕຣາໄວໂອເລດ Ultraviolet (UV) ເຊິ່ງໄດ້ຕິດຕັ້ງໄວ້ຢູ່ໜ້າ ແລະ ຫຼັງລະບົບເຄື່ອງກັ່ນຕອງ ມີຄຸນສົມບັດໃນການທໍາລາຍເຊື້ອຈຸລິນຊີ ແລະ ເຊື້ອໄວຣັສ ທີ່ຢູ່ໃນນໍ້າ ຊ່ວຍເພີ່ມຄຸນນະພາບ ແລະ ຄວາມປອດໄພຂອງນໍ້າ.

ນໍ້າດື່ມບໍລິສຸດທີ່ດີທີ່ສຸດ ແລະ ເໝາະສົມຕໍ່ຮ່າງກາຍຂອງຄົນເຮົາ ຕ້ອງມີຄ່າ pH ຢູ່ລະຫວ່າງ 6.5-8.5 ຕາມມາດຕະຖານຂອງກົມອາຫານ ແລະ ຢາ, ກະຊວງສາທາລະນະສຸກ. ການດື່ມນໍ້າທີ່ມີຄ່າ pH ຕໍ່າກວ່າ 6.5 ຫຼື ສູງກວ່າ 8.5 ຈະກໍ່ໃຫ້ເກີດໂລກໄພຕ່າງໆ ເຊັ່ນ: ນີ້ວໃນໄຕ, ຕ່ອມລູກໝາກໃຫຍ່, ອາຫານບໍ່ຍ່ອຍ, ສຸຂະພາບອ່ອນເພຍ ແລະ ອື່ນໆ. ນໍ້າດື່ມບໍລິສຸດນໍ້າຫ້າ ໂດຍອີງໃສ່ຜົນກວດກາໃນທຸກໆ 6 ເດືອນ ຂອງກົມອາຫານ ແລະ ຢາ, ກະຊວງສາທາລະນະສຸກ ມີຄ່າ pH ຢູ່ລະຫວ່າງ 6.6-7.7… Read More

ເພື່ອເຮັດໃຫ້ຄຸນນະພາບຂອງນໍ້າດື່ມຢູ່ໃນພາວະປົກກະຕິ ທາງໂຮງງານໄດ້ສ້າງຫ້ອງກວດການໍ້າດື່ມສະເພາະ ແລະ ໄດ້ນໍາໃຊ້ເຄື່ອງກວດການໍ້າດື່ມທີ່ທັນສະໄໝ. ນອກນັ້ນ, ຍັງໄດ້ປະຕິບັດຕາມການແນະນໍາຂອງນັກວິຊາການທີ່ກ່ຽວຂ້ອງຢ່າງເຂັ້ມງວດ ຄື: ໃສ້ເຄື່ອງກັ່ນຕອງ RO ຈະຖືກປ່ຽນເມື່ອໃຊ້ກັ່ນຕອງນໍ້າໄດ້ສອງແສນລິດ. ສານກັ່ນຕອງ Carbon-Sand ແລະ Resin ແມ່ນຈະຖືກປ່ຽນພາຍໃນ 12 ເດືອນ, ເຄື່ອງຂ້າເຊື້ອລະບົບໂອໂຊນ(Ozone) ແລະ ຣັງສີອັລຕຣາໄວໂອເລດ (Ultraviotet) ແມ່ນປະຕິບັດ ຕາມຄໍາແນະນໍາ ໂດຍສະເພາະຊົ່ວໂມງການໃຊ້ງານ. ຖ້າໝົດເວລານໍາໃຊ້ຈະຕ້ອງໄດ້ປ່ຽນທັນທີ

ເພື່ອສະໜອງນໍ້າດື່ມສະອາດ ແລະ ໄດ້ມາດຕະຖານສາກົນສູ່ສັງຄົມ ພວກເຮົາໃສ່ໃຈເປັນອັນດັບໜຶ່ງໃນການນໍາໃຊ້ເທັກໂນໂລຊີທີ່ທັນສະໄໝ ມີຂັ້ນຕອນການຜະລິດດ້ອຍລະບົບອັດຕະໂນມັດ ທັງລະບົບກັນຕອງ, ຂ້າເຊື້ອ, ອັດຮາຍ, ຕິດສະຕິກເກິ, ແພັກໃສ່ແກັດ ລວມທັງລະບົບເປົາຂວດ ແລະ ສາມາດຜະລິດນໍ້າດື່ມໄດ້ 10,000 ໂຕນຕໍ່ມື້. ອາຄານຂອງໂຮງງານ ແມ່ນອອກແບບມາໂດຍສະເພາະການຜະລິດນໍ້າດື່ມໂດຍຜູ້ຊ່ຽວຊານ ມີການແຍກຫ້ອງເຄື່ອງຈັກ, ເຄື່ອງກັ່ນຕອງ, ສາຍໄຍການຜະລິດ ແລະ ຫ້ອງເກັບມ້ຽນສີນຄ້າໄວ້ຢ່າງດີ.

ເນື່ອງຈາກແຫຼ່ງນໍ້າດັ່ງກ່າວ ແມ່ນຕົ້ນນໍ້າຈາກທໍາມະຊາດ ເຕັມໄປດ້ວຍໂພສະນາການ ແລະ ແຮ່ທາດຫຼາຍຊະນິດ ທີ່ມີຄຸນຄ່າຕໍ່ສິ່ງທີ່ມີຊີວິດ ດັ່ງນັ້ນທາງໂຮງງານມີແຜນຈະຜະລິດນໍ້າດື່ມແຮ່ທາດອອກສູ່ສັງຄົມ, ພັດທະນາໃຫ້ມີຫຼາກຫຼາຍຮູບແບບຫຼາຍສີສັນ, ຜະລິດນໍ້າດື່ມບໍລິສຸດນໍ້າຫ້າ ໃຫ້ພຽງພໍ່ກັບຄວາມຮຽກຮ້ອງຕ້ອງການຂອງສັງຄົມ, ສ້າງວຽກເຮັດງານທໍາໃຫ້ປະຊາຊົນບັນດາເຜົ່າ ໃຫ້ໄດ້ 100 ຄົນພາຍໃນ 5 ປີຂ້າງໜ້າ, ຂະຫຍາຍການຕະຫຼາດໃຫ້ທົ່ວເຖິງໃນຂອບເຂດພາກເໜືອ ແລະ ພາກກາງຕອນເທິງຂອງລາວ.

ຜະລິດນໍ້າດື່ມທີ່ສະອາດມີຄຸນະພາບ, ຮັບຜິດຊອບຕໍ່ສັງຄົມ ແລະ ສິ່ງແວດລ້ອມ, ຕອບສະໜອງຕາມຄວາມຮຽກຮ້ອງຕ້ອງການຂອງຜູ້ບໍລິໂພກ, ເຮັດໃຫ້ພະລິດຕະພັນນໍ້າດື່ມນໍ້າຫ້າໄດ້ຮັບການຍົກຍ້ອງຈາກສັງຄົມ. ເຊິ່ງທາງໂຮງງານນໍ້າດື່ມນໍ້າຫ້າ ໄດ້ກໍານົດຄໍາຂວັນຂອງໂຮງງານ ຄື: “ໃສ ສະອາດ ບໍລິສຸດ ໄດ້ຈາກທໍາມະຊາດແທ້”, ຂຽນເປັນພາສາອັງກິດ: “Clear, Clean, Pure from Real Natures”.